'बाइबल पढाइलाई नयाँ रूपमा सोच्नु': टिन्डेलको नयाँ बाइबल श्रृंखलामा 'खेल परिवर्तन गर्ने' अध्ययन एप समावेश छ

हाल लाखौं मोबाइल बाइबल एप र धेरै प्रिन्ट अध्ययन बाइबलहरू उपलब्ध छन्, विश्वका सबैभन्दा ठूला स्वतन्त्र ख्रिस्चियन प्रकाशन कम्पनीहरू मध्ये एक टिन्डेल हाउस पब्लिशर्सले यस्तो नयाँ बाइबल श्रृंखला जारी गरेको छ जसले यी दुई धारणा मिलाउन खोजेको छ।

गएको महिना, प्रकाशन गृहले आफ्नो फिलामेन्ट बाइबल संग्रहलाई प्रस्तुत गर्यो, जसले यसको वेबसाइटमा 'बाइबल पढाइलाई नयाँ रूपमा सोच्नु' भनेर दाबी गरेको छ।

'यो बाइबलहरूको भविष्य हो: बढी नबोक्दै बढी जान्नुपर्छ,' संग्रहको वेबपृष्ठमा भनिएको छ।

धेरै अध्ययन बाइबलहरूमा बाइबलको पृष्ठको किनारामा पवित्रशास्त्रको विश्लेषण समावेश गरिएको भए तापनि, नयाँ फिलामेन्ट बाइबल संग्रहले प्रत्येक पृष्ठमा ध्यान र सन्दर्भ नोटहरू, अन्तरक्रियात्मक नक्शाहरू र भिडियोहरूलाई सँगै सामेल गरेर, प्रयोगकर्ताहरूको लागि मोबाइल एपमा पवित्र शास्त्रसँग सम्बन्धित सबै सामग्रीलाई एकत्रित गर्दछ।

गएको महिनामा, एपलाई ९,००० व्यक्तिहरूले प्रयोग गरेका छन्।

जब पाठकले अध्ययन गरिरहेको वा पढिरहेको भागको पृष्ठ नम्बर स्क्यान गर्छन्, उनीहरूले भागको सजिलै बुझिने संक्षेप र कुनै अतिरिक्त सन्दर्भ जानकारीसहित ध्यान, नक्शा र संक्षेप भिडियोहरू पढ्नको लागि विकल्प पाउँछन्।

एपमा विभिन्न चयनित ख्रिस्चियन लेखकहरूले लेखेका कुल १,२०० भन्दा धेरै ध्यान सामेल गरिएको छ।

'हामीले त्यो डिजिटल एपमा सहायक जानकारी प्रदान गर्न सामेल गरेका छौं जसले वास्तवमा तपाईंलाई बाइबलमा के पढ्दै हुनुहुन्छ भन्ने कुरा बुझ्न र संलग्न गर्नमा मद्दत गर्छ। त्यहाँ त्यस्तो प्रिन्ट बाइबलहरू छन् जुन यसरी गर्छ - अध्ययन बाइबलहरू र यस्ता चीजहरू। तर के हुन्छ भने तपाईंले त्यो सबै कुरा पृष्ठमा फिट गर्न खोज्नुहुन्छ र तपाईंको पासमा ठूलो किताब आउँछ र केही अवस्थामा, पवित्रशास्त्रको टेक्स्ट नै पृष्ठबाट लगभग निस्किएको हुन्छ किनभने त्यहाँ धेरै ध्यान भट्काउन लगाउने तत्वहरू छन्। हामीले यो सबैलाई लिइरहेको र एपमा राख्न सफल भएका हौं।'

विलियम्सले भने कि एपले प्रयोगकर्ताहरूलाई चाहिएको समयमा अध्ययन बाइबलको विश्लेषण र अतिरिक्त सामग्रीलाई ल्याउन अनुमति दिन्छ र ठूलो पुस्तक ढोकेर लैजानको चिन्ता गर्नु पर्दैन।

'यसले तपाईंलाई त्यस पोर्टेबल बाइबलमा राख्न दिन्छ जुन तपाईंले जहाँसुकै लैजान सक्नुहुन्छ र यसले तपाईंलाई एक्लै अध्ययन गर्न दिन्छ, लन्चमा, रेलमा वा जुनसुकै कुरा हो,' उनले भने। 'अथवा यदि तपाईं एउटा सानो समूहमा हुनुहुन्छ वा कसैसँग बाइबलको बारेमा कुरा गर्दै हुनुहुन्छ र प्रश्नहरू उठ्छन् भने, तपाईंसँग ती प्रश्नहरूको उत्तर दिन सहयोग गर्ने उपकरणहरूमा पहुँच हुनेछ।'

फिलामेन्ट बाइबलको विचार पहिलो पटक २०१६ मा आयो। पहिलो फिलामेन्ट बाइबल अक्टोबर २०१८ मा प्रकासित भएको थियो। तर गएको महिना, टिन्डेलले फिलामेन्ट बाइबल संग्रहको सुरूवातको घोषणा गर्यो, जसले प्रयोगकर्ताहरूलाई यसको विस्तार गरिएको मोबाइल एपसँग अनुकूल चार भिन्न बाइबलहरूको विकल्प दिन्छ।

'हामीले एपलाई अपडेट गर्यौं र यसलाई त्यही प्रयोगको रूपमा लिई थुप्रै कुरा गर्न आशा गर्दै छौं जुन मानिसहरू आफ्नो बाइबलसँग अन्तर्क्रिया कसरी गर्छन् भन्ने प्रक्रियामा परिवर्तन ल्याउनेछ,' विलियम्सले भने।

स्रोत : ख्रिस्चियन पोस्ट